තවත් සමහරුන්ට දෙමාපියො වැඩිහිටියො සුදුසු සහකරුවෙක්/ සහකාරියක් හොයනව.
විවාහයක් ගැන හිතනකොට ඇතිවන ලොකුම ප්‍රශ්නය තමයි මෙහෙම තමන්ට බඳින්න සුදුසු කෙනෙක් හොයාගන්න එක. සමහරවිට විවාහ ජීවිතය ගතකරනවට වඩා අමාරුයි බඳින්න කෙනෙක් හොයාගන්න එක.
කපුමහත්තුරු මගින්, මංගල යෝජනා තීරවලින්, දැන හැඳිනුම්කම්වලින් යනාදී නොයෙකුත් ක්‍රමවලින් ගැළපෙන සහකරුවන් සෙවීම සිදුවෙනව.
මේ ගැළපෙන සහකරුවන් සෙවීමේදී සමහරු අකමැත්ත ප්‍රකාශ කරල එවනව. යෝජනා කරන හැමකෙනාම ගැළපෙන්නෙ පෑහෙන්නෙ නෑනෙ. ඒ නිසා තමන්ට නොගැළපෙනව කියල හිතෙනව නම් අකමැත්ත පළ කරන එක පුදුමෙකුත් නෙමේ. වරදකුත් නෙමේ.
ඒත් මෙන්න මේ ප්‍රතික්‍ෂේප කරනු ලැබිම ගොඩාක් දෙනකුට බාරගන්න බෑ. “මට එයා කැමති නෑ කියන්නෙ මම පහත් මට්ටමක කෙනෙක්. මම නුසුදුසු කෙනෙක්.” කියන සිතිවිල්ල හිතේ මවාගන දුක් විඳිනව.
වැඩිපුර කතාබහට ලක් නොවුණත් මේ ප්‍රතික්‍ෂේප කරනු ලැබිම නිසා හිතෙන් විඳවන, දුක් වෙන අය අද අනන්තවත් අපේ සමාජයෙ ඉන්නව. බොහෝ දෙනෙක් මේ ප්‍රතික්‍ෂේප කරනු ලැබිම නිසා ඇතිවන අධෛර්යවීම, හිත් වේදනාව නිහඬව හිතේ හංගගෙන ඉන්නව මිසක් කාටවත් වැඩිය කියන්න යන්නෙ නෑ.
සමහරු මේ ගැන කාටවත් කියන්න ලැජ්ජයි. සමහරු මේ තත්ත්වය බාරගන්නෙ පරාජයක් මදිකමක් විදිහට. තමන් නොවටිනා කෙනෙක් කියල තමන්වම අවතක්සේරු කරගන්නව බොහෝ අය.
ඇත්තෙන්ම මේක ඉතාම අවාසනාවන්ත මානසික තත්ත්වයක්. ඒ වගේම කිසිම පදනමක් නැති නිෂ්ඵල තේරුමක් නැති මානසික තත්ත්වයක්. එක අතකට මෝඩ සිතුවිල්ලක් කිව්වත් වැරදි නෑ.
තමන් ගැන ආත්ම විශ්වාසයක් තියන කිසි කෙනෙක් මෙහෙම කව්රුත් ප්‍රතික්‍ෂේප කළා කියල දුක්වෙන්න පසුතැවෙන්න ලැජ්ජාවෙන්න අධෛර්ය වෙන්න කිසිම අවශ්‍යතාවක් නෑ.
විවාහයට අදාළව විතරක් නෙමේ. එදිනෙදා ජීවිතේදී ඇතිවන මොන ආකාරයේ මිනිස් සුහදතාවන්වලදී වුණත් මෙවැනි ප්‍රතික්‍ෂේප කිරීම් සිද්ධවෙන්න පුළුවන්. ඒක වළක්වන්න බැහැ. අවශ්‍යත් නැහැ.
ඒත් ප්‍රතික්‍ෂේප කිරීම කියන්නෙ තමන් නොවටිනා කෙනෙක් කියන එක නෙමේ. නොවටිනව කියල හිතන එකේ තමයි ගැටලුව තියෙන්නෙ.
බොහෝ දෙනෙක් හිතාගන ඉන්නෙ ප්‍රතික්‍ෂේප කරනු ලැබිම නොවටිනා බව කියල.
ඒක සම්පූර්ණ බොරුවක් බව අවබෝධ කරගත්තොත් කවමදාවත් මොනම හේතුවක් උඩවත් මානසිකව වැටෙන්න ඕන කමක් නෑ.
කෙනෙක් මංගල යෝජනාවක් ප්‍රතික්‍ෂේප කළා කියන්නෙ එයා හොයන විදිහෙ කෙනෙක් නෙමේ මේ යෝජිත පුද්ගලය කියන එක මිසක් නොවටිනා පහත් කෙනෙක් කියන එක නෙමේ.
ඕනෑම කෙනෙක්ට තමන්ට අවශ්‍ය දෙයක් තෝරාගැනීමේ නිදහස තියනව. තමන්ට ගැළපෙන තමන්ට ප්‍රයෝජනවත්, තමන්ට ආස හිතෙන දෙයක් තමයි හැමතිස්සෙම තෝරාගන්නෙ.
අපි හිතමු මෝටර් සයිකලයක් කාරෙකක් වගේ වාහනයක් ගන්න අවශ්‍යයි කියල. හැමෝම එකම වාහනේ ගන්නෙ නෑ. තමන්ගෙ අවශ්‍යතාවන් ඉටුවෙන, ආසාවෙන් පරිහරණය කළ හැකි වාහනයක් තමයි ගන්නෙ. සමහරුන්ට ඉන්ධන පිරිමැස්ම වටිනව. සමහරුන්ට වේගය වටිනව. සමහරුන්ට බාහිර පෙනුම වගේම තවත් සමහරුන්ට සුවපහසුව නැත්නම් කල්පැවැත්ම වගේ නොයෙක් දේ වටින්න පුළුවන්.
ඒත් ඒ වාහනයක් මිලදී ගත්තෙ නෑ කියන්නෙ වාහනේ වටිනාකමක් නෑ කියන එකද? නැහැ තමන්ට සුදුසු නැහැ කියන හේතුව මිසක් ඒ වාහනය නොවටින බව නෙමේ ප්‍රකාශ වෙන්නෙ.
හැබැයි ඉතිං විවාහක සහකරුවෙක්/ සහකාරියක් හොයනව කියන එක වාහනයක් සෙවීමට සමාන කරන්න බෑ තමයි. ඒත් ප්‍රතික්‍ෂේප කිරීම කියන්නෙ නොවටිනා බව කියන එක නෙමේ කියන අදහස තේරුම්ගන්න ඒ නිදසුන උදව්වක් වෙනව නේද? විවාහ යෝජනාවකදී “ගැළපීම්” ගැන හිතන එක සොයා බලන එක අවශ්‍ය වෙනව.
සමාජ තත්ත්වය, වයස, හැඩරුව, ආදායම් තත්ත්වය, රැකියාව, අධ්‍යාපන මට්ටම, ආගම, භාෂාව යනාදී බොහෝ දේ පිළිබඳව සොයා බලනව.
සමහරු දෑවැද්ද, පරම්පරාව, කුලය, පොරොන්දම් වගේ දේත් බලනව.
කෙසේ වෙතත් අද අපි කතා කරන්නෙ ඔය “ගැළපීම්” ගැන නෙමේ. නොගැළපීම් හේතුවෙන් ප්‍රතික්‍ෂේප කරනු ලැබිම නිසා ඇතිවිය හැකි සෘණ මානසිකත්වය ගැනයි අපි කතා කරන්නෙ.
අනිත් එක, කොච්චර ගැළපීම් තිබුණත් විවාහ වෙන්න පුළුවන් එක්කෙනෙක් එක්ක විතරනෙ. ඒ නිසා ඒ තේරීම අතිශයින් දුෂ්කර වෙන්නත් පුළුවන්. එක වගේම ගැළපෙන බොහෝ අය ඉන්න පුළුවන්. ඒත් එක්කෙනෙක්ව තෝර ගන්නව කියන්නෙ ඇත්තෙන්ම අනිත් අය නොවටිනව කියන එක නෙමේනෙ.
ඒ නිසා ඔබ විවාහය පිළිබඳ යෝජනාවකදී ප්‍රතික්‍ෂේප කරනු ලැබුව නම් ඒක තනිකරම ඒ තැනැත්තාගේ තේරීමේ නිදහසට ඉඩදීමක් මිසක් ඔබේ නොවටිනා බවක් නෙමේ කියන සත්‍යය හොඳට අවබෝධ කරගන්න.
කාගෙවත් කැමැත්ත අකමැත්ත ඔබේ වටිනාකමට බලපාන්නෙ කොහොමද? ඕන කෙනෙක් ඕන කෙනෙක්ව තෝරගන්න එක ඒ අයගෙ නිදහස. ඒ අයගෙ අයිතිය. ඒත් ඒ නිසා ඔබ විඳවන්නෙ ඇයි? ඔබේ වටිනාකම ඒ විදිහට තියනව මිසක් නැතිවුණේ නෑනෙ.
සමහර විට ඊට වඩා බොහෝ සෙයින් ඔබට ගැළපෙන, ඔබට ආදරය කරන, ඔබට සුදුසු, ඔබේ වටිනාකම අවබෝධ කරගත්තු, ඔබේ වටිනාකම තවත් වැඩිකරන ඔබ ප්‍රාර්ථනා කරන විදිහේ වටිනා පුද්ගලයෙක් ඔබට හිමිවේවි.
කාටද ඕව කියන්න පුළුවන්? ඒ නිසා විශ්වාසෙන් බලා‍පොරොත්තුවෙන් ඉන්න. ඔබ වටිනා කෙනෙක්. එක්කෙනෙක් නෙමේ සිය දෙනෙක් ඔබව ප්‍රතික්‍ෂේප කළත් ඒක ඔබේ වටිනාකම අඩුකරන දෙයක් නෙමේ.
ඔබව ලබන්න ඒ අය වාසනාවන්ත නෑ වෙන්නත් බැරි නෑ නේද?
ඉතින්, විවාහ යෝජනාවකදී ඔබට කෙනෙක් කැමති නෑ කිව්වොත් ඔබව අවතක්සේරු කරගන අධෛර්යයෙන් කොන්වෙන්න හදන්න එපා. ආයෙ යෝජනා හොයන්නෙ නෑ කියල හිතන්න එපා.
කව්රු මොනවා කිව්වත් ඔබ වටිනා කෙනෙක් බව හිතන්න. ඔබව ලබන්න කෙනෙක් වාසනා කරන්න ඕන කියන සිතුවිල්ලෙන් ඔබේ වටිනාකම තව තවත් වැඩි කරගන්න. ඔබේ ආදරණීය සිහින කුමරු/ කුමාරිය ඉක්මනින්ම ඔබ වෙත ආකර්ෂණය වේවි
ඒත් ඒ ආකර්ෂණ බලය ඔබේ සිත තුළ නිර්මාණය වෙන්නෙ ඔබ වටිනා කෙනෙක් කියන හැඟීම ප්‍රගුණ කළ ධන මානසිකත්වයක් තිබුණොත් විතරයි කියලත් අවබෝධ කරගන්න.
විවාහයක් ගැන හිතනකොට ඇතිවන ලොකුම ප්‍රශ්නය තමයි මෙහෙම තමන්ට බඳින්න සුදුසු කෙනෙක් හොයාගන්න එක. සමහරවිට විවාහ ජීවිතය ගතකරනවට වඩා අමාරුයි බඳින්න කෙනෙක් හොයාගන්න එක.
කපුමහත්තුරු මගින්, මංගල යෝජනා තීරවලින්, දැන හැඳිනුම්කම්වලින් යනාදී නොයෙකුත් ක්‍රමවලින් ගැළපෙන සහකරුවන් සෙවීම සිදුවෙනව.
මේ ගැළපෙන සහකරුවන් සෙවීමේදී සමහරු අකමැත්ත ප්‍රකාශ කරල එවනව. යෝජනා කරන හැමකෙනාම ගැළපෙන්නෙ පෑහෙන්නෙ නෑනෙ. ඒ නිසා තමන්ට නොගැළපෙනව කියල හිතෙනව නම් අකමැත්ත පළ කරන එක පුදුමෙකුත් නෙමේ. වරදකුත් නෙමේ.
ඒත් මෙන්න මේ ප්‍රතික්‍ෂේප කරනු ලැබිම ගොඩාක් දෙනකුට බාරගන්න බෑ. “මට එයා කැමති නෑ කියන්නෙ මම පහත් මට්ටමක කෙනෙක්. මම නුසුදුසු කෙනෙක්.” කියන සිතිවිල්ල හිතේ මවාගන දුක් විඳිනව.
වැඩිපුර කතාබහට ලක් නොවුණත් මේ ප්‍රතික්‍ෂේප කරනු ලැබිම නිසා හිතෙන් විඳවන, දුක් වෙන අය අද අනන්තවත් අපේ සමාජයෙ ඉන්නව. බොහෝ දෙනෙක් මේ ප්‍රතික්‍ෂේප කරනු ලැබිම නිසා ඇතිවන අධෛර්යවීම, හිත් වේදනාව නිහඬව හිතේ හංගගෙන ඉන්නව මිසක් කාටවත් වැඩිය කියන්න යන්නෙ නෑ.
සමහරු මේ ගැන කාටවත් කියන්න ලැජ්ජයි. සමහරු මේ තත්ත්වය බාරගන්නෙ පරාජයක් මදිකමක් විදිහට. තමන් නොවටිනා කෙනෙක් කියල තමන්වම අවතක්සේරු කරගන්නව බොහෝ අය.
ඇත්තෙන්ම මේක ඉතාම අවාසනාවන්ත මානසික තත්ත්වයක්. ඒ වගේම කිසිම පදනමක් නැති නිෂ්ඵල තේරුමක් නැති මානසික තත්ත්වයක්. එක අතකට මෝඩ සිතුවිල්ලක් කිව්වත් වැරදි නෑ.
තමන් ගැන ආත්ම විශ්වාසයක් තියන කිසි කෙනෙක් මෙහෙම කව්රුත් ප්‍රතික්‍ෂේප කළා කියල දුක්වෙන්න පසුතැවෙන්න ලැජ්ජාවෙන්න අධෛර්ය වෙන්න කිසිම අවශ්‍යතාවක් නෑ.
විවාහයට අදාළව විතරක් නෙමේ. එදිනෙදා ජීවිතේදී ඇතිවන මොන ආකාරයේ මිනිස් සුහදතාවන්වලදී වුණත් මෙවැනි ප්‍රතික්‍ෂේප කිරීම් සිද්ධවෙන්න පුළුවන්. ඒක වළක්වන්න බැහැ. අවශ්‍යත් නැහැ.
ඒත් ප්‍රතික්‍ෂේප කිරීම කියන්නෙ තමන් නොවටිනා කෙනෙක් කියන එක නෙමේ. නොවටිනව කියල හිතන එකේ තමයි ගැටලුව තියෙන්නෙ.
බොහෝ දෙනෙක් හිතාගන ඉන්නෙ ප්‍රතික්‍ෂේප කරනු ලැබිම නොවටිනා බව කියල.
ඒක සම්පූර්ණ බොරුවක් බව අවබෝධ කරගත්තොත් කවමදාවත් මොනම හේතුවක් උඩවත් මානසිකව වැටෙන්න ඕන කමක් නෑ.
කෙනෙක් මංගල යෝජනාවක් ප්‍රතික්‍ෂේප කළා කියන්නෙ එයා හොයන විදිහෙ කෙනෙක් නෙමේ මේ යෝජිත පුද්ගලය කියන එක මිසක් නොවටිනා පහත් කෙනෙක් කියන එක නෙමේ.
ඕනෑම කෙනෙක්ට තමන්ට අවශ්‍ය දෙයක් තෝරාගැනීමේ නිදහස තියනව. තමන්ට ගැළපෙන තමන්ට ප්‍රයෝජනවත්, තමන්ට ආස හිතෙන දෙයක් තමයි හැමතිස්සෙම තෝරාගන්නෙ.
අපි හිතමු මෝටර් සයිකලයක් කාරෙකක් වගේ වාහනයක් ගන්න අවශ්‍යයි කියල. හැමෝම එකම වාහනේ ගන්නෙ නෑ. තමන්ගෙ අවශ්‍යතාවන් ඉටුවෙන, ආසාවෙන් පරිහරණය කළ හැකි වාහනයක් තමයි ගන්නෙ. සමහරුන්ට ඉන්ධන පිරිමැස්ම වටිනව. සමහරුන්ට වේගය වටිනව. සමහරුන්ට බාහිර පෙනුම වගේම තවත් සමහරුන්ට සුවපහසුව නැත්නම් කල්පැවැත්ම වගේ නොයෙක් දේ වටින්න පුළුවන්.
ඒත් ඒ වාහනයක් මිලදී ගත්තෙ නෑ කියන්නෙ වාහනේ වටිනාකමක් නෑ කියන එකද? නැහැ තමන්ට සුදුසු නැහැ කියන හේතුව මිසක් ඒ වාහනය නොවටින බව නෙමේ ප්‍රකාශ වෙන්නෙ.
හැබැයි ඉතිං විවාහක සහකරුවෙක්/ සහකාරියක් හොයනව කියන එක වාහනයක් සෙවීමට සමාන කරන්න බෑ තමයි. ඒත් ප්‍රතික්‍ෂේප කිරීම කියන්නෙ නොවටිනා බව කියන එක නෙමේ කියන අදහස තේරුම්ගන්න ඒ නිදසුන උදව්වක් වෙනව නේද? විවාහ යෝජනාවකදී “ගැළපීම්” ගැන හිතන එක සොයා බලන එක අවශ්‍ය වෙනව.
සමාජ තත්ත්වය, වයස, හැඩරුව, ආදායම් තත්ත්වය, රැකියාව, අධ්‍යාපන මට්ටම, ආගම, භාෂාව යනාදී බොහෝ දේ පිළිබඳව සොයා බලනව.
සමහරු දෑවැද්ද, පරම්පරාව, කුලය, පොරොන්දම් වගේ දේත් බලනව.
කෙසේ වෙතත් අද අපි කතා කරන්නෙ ඔය “ගැළපීම්” ගැන නෙමේ. නොගැළපීම් හේතුවෙන් ප්‍රතික්‍ෂේප කරනු ලැබිම නිසා ඇතිවිය හැකි සෘණ මානසිකත්වය ගැනයි අපි කතා කරන්නෙ.
අනිත් එක, කොච්චර ගැළපීම් තිබුණත් විවාහ වෙන්න පුළුවන් එක්කෙනෙක් එක්ක විතරනෙ. ඒ නිසා ඒ තේරීම අතිශයින් දුෂ්කර වෙන්නත් පුළුවන්. එක වගේම ගැළපෙන බොහෝ අය ඉන්න පුළුවන්. ඒත් එක්කෙනෙක්ව තෝර ගන්නව කියන්නෙ ඇත්තෙන්ම අනිත් අය නොවටිනව කියන එක නෙමේනෙ.
ඒ නිසා ඔබ විවාහය පිළිබඳ යෝජනාවකදී ප්‍රතික්‍ෂේප කරනු ලැබුව නම් ඒක තනිකරම ඒ තැනැත්තාගේ තේරීමේ නිදහසට ඉඩදීමක් මිසක් ඔබේ නොවටිනා බවක් නෙමේ කියන සත්‍යය හොඳට අවබෝධ කරගන්න.
කාගෙවත් කැමැත්ත අකමැත්ත ඔබේ වටිනාකමට බලපාන්නෙ කොහොමද? ඕන කෙනෙක් ඕන කෙනෙක්ව තෝරගන්න එක ඒ අයගෙ නිදහස. ඒ අයගෙ අයිතිය. ඒත් ඒ නිසා ඔබ විඳවන්නෙ ඇයි? ඔබේ වටිනාකම ඒ විදිහට තියනව මිසක් නැතිවුණේ නෑනෙ.
සමහර විට ඊට වඩා බොහෝ සෙයින් ඔබට ගැළපෙන, ඔබට ආදරය කරන, ඔබට සුදුසු, ඔබේ වටිනාකම අවබෝධ කරගත්තු, ඔබේ වටිනාකම තවත් වැඩිකරන ඔබ ප්‍රාර්ථනා කරන විදිහේ වටිනා පුද්ගලයෙක් ඔබට හිමිවේවි.
කාටද ඕව කියන්න පුළුවන්? ඒ නිසා විශ්වාසෙන් බලා‍පොරොත්තුවෙන් ඉන්න. ඔබ වටිනා කෙනෙක්. එක්කෙනෙක් නෙමේ සිය දෙනෙක් ඔබව ප්‍රතික්‍ෂේප කළත් ඒක ඔබේ වටිනාකම අඩුකරන දෙයක් නෙමේ.
ඔබව ලබන්න ඒ අය වාසනාවන්ත නෑ වෙන්නත් බැරි නෑ නේද?
ඉතින්, විවාහ යෝජනාවකදී ඔබට කෙනෙක් කැමති නෑ කිව්වොත් ඔබව අවතක්සේරු කරගන අධෛර්යයෙන් කොන්වෙන්න හදන්න එපා. ආයෙ යෝජනා හොයන්නෙ නෑ කියල හිතන්න එපා.
කව්රු මොනවා කිව්වත් ඔබ වටිනා කෙනෙක් බව හිතන්න. ඔබව ලබන්න කෙනෙක් වාසනා කරන්න ඕන කියන සිතුවිල්ලෙන් ඔබේ වටිනාකම තව තවත් වැඩි කරගන්න. ඔබේ ආදරණීය සිහින කුමරු/ කුමාරිය ඉක්මනින්ම ඔබ වෙත ආකර්ෂණය වේවි
ඒත් ඒ ආකර්ෂණ බලය ඔබේ සිත තුළ නිර්මාණය වෙන්නෙ ඔබ වටිනා කෙනෙක් කියන හැඟීම ප්‍රගුණ කළ ධන මානසිකත්වයක් තිබුණොත් විතරයි කියලත් අවබෝධ කරගන්න.
මයිකල් ඇන්ජලෝ